ABŞ Milli Aeronavtika və Kosmik Agentliyi (NASA) təxirə salınmalardan sonra Artemis II missiyasının ən gec 2026-cı ilin aprelində buraxılacağını açıqlayıb. Rəsmi şəxslər, ehtimal ki, buraxılışın 2026-cı ilin fevralında da baş verə biləcəyini bildirib.
Sherg.az xəbər verir ki, NASA rəhbərlərindən Lakiesha Havkins deyib: “Bu öhdəliyimizi yerinə yetirmək istəyirik.”
Missiyada üç amerikalı və bir kanadalı astronavt iştirak edəcək:
Reid Viseman (NASA) – missiya komandiri
Christina Hammock Koch (NASA)
Victor Glover (NASA)
Jeremy Hansen (Kanada Kosmik Agentliyi)
Heyət Ay ətrafında dövr edəcək, lakin səthə enməyəcək. Aya eniş isə növbəti missiya olan Artemis III ilə planlaşdırılır.
Artemis proqramı ABŞ-ın Aya dönüşünü sürətləndirməyi hədəfləyir. Çin isə 2030-cu ilə qədər öz insanlı Aya missiyasını planlaşdırır. Vaşinqton rəhbərliyi bu vəziyyəti “ikinci kosmik yarış” adlandırır.
ABŞ Prezidenti Donald Tramp, yenidən prezident seçildiyi halda NASA-ya Artemis proqramını sürətləndirməsi üçün təzyiq göstərmişdi. Administrasiya həm Aya dönüşü, həm də Marsa insanlı səyahəti prioritet hədəf elan edib.
NASA və Tramp administrasiyasının uzunmüddətli məqsədi Ay səthində daimi bazalar tikmək və buranı Mars səyahəti üçün sıçrayış nöqtəsinə çevirməkdir.
Havkins qeyd edib: “Aya dönmək istəyirik, amma NASA-nın prioriteti təhlükəsiz bir şəkildə geri dönməkdir.”
Artemis II uğurla başa çatarsa, insanlıq 1972-ci ildə Apollo 17-dən bəri ilk dəfə Ay orbitinə astronavt göndərmiş olacaq.
