İzmirin Urla rayonunda bir nəfər əyləncə məkanında mübahisə etdiyi keçmiş sevgilisini silahla vuraraq öldürdükdən sonra intihar edib.
Sherg.az xəbər verir ki, hadisə dünən saat 23:30 radələrində Urla rayonunun Yeni Məhəllə, Dere küçəsindəki əyləncə məkanında baş verib. R.G. (34) ilə keçmiş sevgilisi Selin Angun (33) arasında hələ müəyyən edilməmiş səbəbdən yaranan mübahisə davaya çevrilib.
R.G. tapança ilə Anguna atəş açaraq onu yaralayıb. Bu zaman Ü.A. (23) və D.T. (27) də xəsarət alıblar. Ətrafdakılar hadisə barədə təcili yardıma və polisə məlumat veriblər.
Ambulanslarla xəstəxanaya aparılan yaralılardan Selin Angunu həkimlərin müdaxiləsinə baxmayaraq xilas etmək mümkün olmayıb.
Digər iki yaralının xəstəxanadakı müalicələrinin davam etdiyi bildirilib. Polis hadisədən sonra qaçan R.G.-nin tutulması üçün əməliyyat-axtarış tədbirlərinə başlayıb.
Axtarışlar davam edərkən Urlada bir evdən silah səsi eşidənlər bunu polisə bildiriblər. Ünvanına gedən polis əməkdaşları R.G.-nin meyitini aşkar ediblər.
Müəyyən edilib ki, şübhəli R.G. tapança ilə intihar edib. Hadisə ilə bağlı istintaq başladılıb.
