Dağıstan Respublikasının (Rusiya Federasiyası) Tarumovsk rayonunda baş vermiş ağır yol qəzası nəticəsində üç nəfər ölüb, daha üç nəfər yaralanıb.
Trend xəbər verir ki, bu barədə respublika Daxili İşlər Nazirliyinin mətbuat xidməti məlumat yayıb.
Məlumata görə, Həştərxan-Mahaçqala yolunun 258-ci kilometrliyində iki minik avtomobili toqquşub.
İlkin məlumata görə, “Lexus” avtomobili qarşıdakı hərəkət zolağına çıxaraq “Lada Vesta” markalı avtomobillə toqquşub. Nəticədə “Lada Vesta”nın sürücüsü və onun iki sərnişini təcili tibbi yardım gələnə qədər yerindəcə dünyasını dəyişib, – Dağıstan Respublikası üzrə Daxili İşlər Nazirliyinin yol polisi alayının komandiri vəzifəsini icra edən Gerexan Abdulmuslimov bildirib.
O əlavə edib ki, “Lexus”un sürücüsü və onun iki sərnişini, o cümlədən bir uşaq xəstəxanaya yerləşdirilib.
