Dekabrın 24-də gecə saatlarında paytaxtın Sabunçu rayonunun Zabrat qəsəbəsi ərazisindən 35 yaşlı A.Abbasquliyevin xəsarətlə xəstəxanaya yerləşdirilməsi barədə polisə məlumat daxil olub.
DİN-in Mətbuat Xidmətinin əməkdaşı Elbrus İbrahimov APA-ya bildirib ki, məlumatla bağlı aparılan araşdırmalar nəticəsində həmin şəxsin tikinti ərazisində yıxılaraq xəsarət alması müəyyən edilib. Bu barədə vətəndaş özü də izahatında bildirib. Hazırda araşdırmalar davam etdirilir.
Ətraflı
***
01.41
Bakının Sabunçu rayonunda bir nəfər bıçaqlanıb.
APA xəbər verir ki, hadisə Zabrat qəsəbəsində baş verib.
Belə ki, 1989-cu il təvəllüdlü Abbasquliyev Abdulla Bayram oğlu dava zamanı bıçaqlanıb.
Yaralı çoxsaylı bıçaq xəsarətləri alıb. O xəstəxanaya yerləşdirilib.
Xəstənin hazırda əməliyyat olunduğu bildirilir.
Qeyd edək ki, A.Abbasquliyev cənazə daşıyan avtomobilin sürücüsüdür.
