Ötən günlərdə Türkiyə milli yığması baş məşqçi Şenol Günəşlə yollarını ayırıb. Ş.Günəşin yerinə təyin olunan alman məşqçi Stefan Kuntz üçün imza günü təşkil olunub.
“Sherg.az” türk mediasına istinadən xəbər verir ki, yeni baş məşqçi görəcəyi işlərdən və yığma ilə bağlı ilk təəssüratlarından danışıb. O, bu iş üçün təklif gələndə özü ilə qurur duyduğunu söyləyib:
“Bilirəm ki, işin əsas hissəsi bundan sonra başlayır. İmza günündən sonra hamımız var gücümüzlə çalışıb, Norveçlə oyuna hazırlaşacağıq. Özümü güclü və pozitiv hiss edirəm. Türk futbolçularının potensiyalına bələdəm. Bu oyunçulara təşkilatçılıq və quruluş bacarıqları qazandıracağıq. Özgüvənimizlə Türkiyə bayrağına baxaraq uğurlarımızı qeyd edəcəyik. “Beşiktaş”ın baş məqşçisi Sərgən Yalçının uğurlarına və vəzifəsinə hörmətlə yanaşıram. Mart ayındakı performans bu vəzifəyə təyin olunanda məni həyəcanlandırdı. Yığmanın potensialını orada gördüm. İlk işim həmin potensiyalı necə qaytara biləcəyimizi tapmaqdır. Bütün ölkənin qürur duyacağı bir yığma olmasını istəyirəm”.
Samirə
