Türkiyə Qərbin Rusiya neftinə sanksiyaları fonunda İraq, Qazaxıstan və digər ölkələrdən neft alışını artırıb.
Teleqraf xəbər verir ki, bu barədə "Reuters" məlumat yayıb.
Türkiyənin ən böyük neft emalı zavodlarından biri olan SOCAR-ın Türkiyədəki STAR neft emalı zavodu bu yaxınlarda İraq, Qazaxıstan və digər istehsalçılardan dörd partiya xam neft alıb. Qeyd olunur ki, sentyabr və oktyabr aylarında bu neft emalı zavodu Rusiyadan sutkada təqribən 210 min barel qəbul edib.
Digər bir türk şirkəti olan "Tupras" İraq və digər ölkələrdən xam neft tədarükünü artırıb.
Oktyabrın 23-də Avropa İttifaqı Rusiyaya qarşı yeni, 19-cu sanksiyalar paketini rəsmən təsdiqləyib.
Aİ-nin Rusiyaya qarşı yeni sanksiyalar paketinə Rusiya bankları və kriptovalyuta əməliyyatlarına məhdudiyyətlər daxildir. Blok həmçinin yeni sanksiyalar paketinə Rusiya neftini daşıyan 100-dən çox xarici bayraqlı tankeri də daxil edib.
