Kişilər bəzən həyatları boyu heç vaxt özlərini tam xoşbəxt etdiklərini etiraf etmirlər, amma alimlər kişilərdə pik yaş həddini müəyyən edib.
“Medicina” xəbər verir ki, Yedinburq Universitetinin tədqiqatçılarının gəldiyi nəticəyə görə, əgər bir kişi 27 yaşına kimi əsl xoşbəxtliyi tapmayıbsa və ya dadmayıbsa, o, çətin ki, sonradan bu xoşbəxtliyi yaşasın. Çünki yaş həlledicidir.
27 yaşına kimi ilk karyera ambisiyalarına nail olmayan kişilər həyatda məmnunluq və xoşbəxtlik səviyyəsinin aşağı düşdüyünü hiss edəcəklər.
Alimlər müəyyən ediblər ki, 15-27 yaş arasında bir neçə işi olan gənc kişilərin sonrakı həyatlarında özlərinə inam və həyatlarından razı qalma ehtimalları əhəmiyyətli dərəcədə azdır.
Tədqiqatın müəllifləri gənclərə 18 yaşında qarşılarına konkret və əldə edilə bilən məqsədlər qoymağı məsləhət görürlər ki, sonradan həyatlarına məna qazansınlar.
Qadınlara gəlincə, onlar üçün də həyat nailiyyətləri də vacibdir, lakin kişilər kimi deyil.
Kişilərin xoşbəxtliyi sabit və uğurlu karyera ilə yekunlaşsa da, qadınlar yaxşı təhsil və sosial hərəkətlilik sayəsində həyatda daha çox məmnun olurlar.
Tədqiqatçıların özləri belə gender fərqlərini gözləmirdilər, çünki hər iki cins üçün karyera imkanları son vaxtlar daha bərabərləşib. Göründüyü kimi, burada əsas amil əmək bazarındakı vəziyyət deyil, kişi və qadın psixologiyasındakı fərqdir.
