Alimlər görmə qabiliyyətini bərpa edən göz implantı icad ediblər!
Sherg.az "Financial Times"a xəbər verir ki, bu cihaz yaşa bağlı irəliləmiş makula degenerasiyası olan xəstələrin 81 faizində qismən görməni bərpa edib.
“Görməni bərpa etməyə yönəlmiş cəhdlər arasında bu nəticələr ilk dəfə bu qədər çox pasiyentdə əldə olunur,” - deyə Pittsburq Universitetinin Tibb Məktəbinin oftalmologiya şöbəsinin rəhbəri bildirib.
Bəs bu cihaz necə işləyir?
Xəstə ətraf mühiti çəkən xüsusi eynək taxır. Bu eynəyin üzərindəki kiçik kamera görüntünü 2×2 millimetr ölçülü implanta ötürür. İmplant işıq siqnallarını elektrik impulslarına çevirir və bu impulslar beyinə göndərilir.
Beləliklə, uzun müddət görmə qabiliyyətini itirən insanlar yenidən ətraf aləmi qismən də olsa görə bilirlər.
