Marsdan gələn bir telefon zəngini belə eşidə biləcək
Avropa Kosmik Agentliyi (ESA) Avstraliyanın Qərbi New Norcia qəsəbəsində hündürlüyü 40 metr, çəkisi 700 ton olan yeni dərin kosmik antena NNO-3-ü istifadəyə verib.
Sherg.az xəbər verir ki, antenanın məqsədi Mars, Yupiter, Venera və asteroidlərdən gələn zəif siqnalları qəbul edərək yüksək çözünürlüklü elmi məlumatlar toplamaqdır. ESA rəsmiləri bildiriblər ki, antena nəzəri olaraq Marsdan gələn bir telefon zəngini belə eşidə biləcək həssaslığa malikdir.
NNO-3 yalnız ESA-nın deyil, həmçinin NASA, Yaponiya və Hindistan kimi digər kosmik agentliklərin missiyalarına da dəstək verəcək və kainatın xəritələnməsi ilə qaranlıq enerji araşdırmalarına töhfə verəcək.
