Amerikalı məşhur aktyor Bred Pittin anası Jane Pitt, 84 yaşında ABŞ-nin İllinoys ştatının Springfield şəhərində vəfat edib.
Sherg.az xəbər verir ki, ailəsi ölüm səbəbi ilə bağlı açıqlama verməyib. Jane Pitt peşəkar rəssam və rəqqas olmaqla yanaşı, uzun illər ibtidai sinif müəllimi kimi çalışıb.
2009-cu ildə Pitt ailəsi Springfielddə pediatrik onkologiya mərkəzinin yaradılması üçün 1 milyon dollar ianə etmişdi. Bred Pittin qardaşı qızı Sydney Pitt, nənəsinə duyğusal bir veda mesajı paylaşıb.
Jane Pittin 14 nəvə sahibi idi. Ailəsi onu “sevginin ən saf forması” kimi təsvir edib və hər nəvəsi ilə xüsusi vaxt keçirməsini yaddaşlarda qalan ən gözəl xatirə adlandırıb.
