İran Qətər də daxil olmaqla, regiondakı bütün ölkələrlə mehriban qonşuluq münasibətləri saxlayır.
Teleqraf xəbər verir ki, bu barədə İranın xarici işlər naziri Abbas Əraqçi qətərli həmkarı Məhəmməd bin Əbdürrəhman Əl-Sani ilə telefon danışığı zamanı bildirib.
Xarici İşlər Nazirliyinin Telegram kanalında yayımlanan açıqlamada deyilir: "İranın xarici işlər naziri, ölkənin Qətər də daxil olmaqla regional ölkələrlə dostluq münasibətlərini qorumaq və inkişaf etdirmək öhdəliyini vurğulayıb. Problem yalnız ABŞ və sionist rejimin İrana qarşı hərbi təcavüzü, eləcə də ABŞ-nin regional ölkələrdəki hərbi bazalarından və aktivlərindən sui-istifadə etməsidir".
İranlı nazir Qətərin üçüncü ölkələrə qarşı hərbi təcavüz üçün digər ölkələrin öz ərazilərindən istifadəsinin qarşısını almaqla bağlı beynəlxalq hüquqi öhdəliklərini xatırladıb.
