Ermənistan tarixində ilk dəfə olaraq yerli istehsal və öz layihəsi əsasında hazırlanan silahları ixrac edib.
Axar.az xəbər verir ki, bu barədə Ermənistanın yüksək texnologiyalar sənayesi naziri Mxitar Ayrapetyan sosial şəbəkə hesabında məlumat yayıb.
Onun sözlərinə görə, cari ay ərzində məhsullar iki fərqli ölkəyə ixrac olunub və müqavilənin dəyəri bir neçə milyon dollar təşkil edib.
Ayrapetyan ixrac edilən silahların növünü və onları alan ölkələrin adlarını açıqlamayıb.
“Müqavilə logistika ilə bağlı çoxsaylı çətinlik və maneələrin aradan qaldırılması nəticəsində həyata keçirilib”, - o qeyd edib.
