“Gücünüzün tükəndiyini hiss etdiyiniz anda bir addım da irəli atın, çünki tarix göstərir ki, hakimiyyətlər çox vaxt dağılmaq üzrə olanda çox güclü imiş kimi görünürlər”.
Teleqraf xəbər verir ki, bunu ABŞ prezidentinin keçmiş milli təhlükəsizlik üzrə müşaviri general Maykl Flinn İran xalqına müraciətində deyib.
General ABŞ-nin qurucularından və müstəqillik müharibəsində qələbədə mühüm rol oynamış ilk ABŞ prezidenti Corc Vaşinqtonun təcrübəsinə istinad edərək bildirib:
“Corc Vaşinqton bu həqiqəti qələbə anında deyil, Amerika tarixinin ən qaranlıq dövrlərində - qüvvələrinin tükəndiyi və iradələrinin ciddi sınağa çəkildiyi vaxtda dərk etdi. O bilirdi ki, düşməni də zəifləyib.
Güc balansı insanlara heç bir ümidin qalmadığı deyildiyi, amma təslim olmaqdan imtina etdikləri anda dəyişə bilər”.
