23 yaşlı universitet tələbəsi Leah Kalkan iki il boyunca bel ağrılarının siyatik olduğu deyilərək evinə göndərildi. Lakin onun onurğasında qreyfurt böyüklüyündə şiş aşkarlanıb.
Sherg.az xəbər verir ki, Qərbi Yorkşirdə yaşayan tələbə Leah Kalkan 2021-ci ilin sonlarından etibarən belində güclü ağrılar hiss etməyə başladı. Dəfələrlə ailə həkiminə müraciət edən, təcili yardıma aparılan və saysız dərmanlar qəbul edən Kalkana uzun müddət “siyatik” diaqnozu qoyuldu. Lakin ağrıları getdikcə artan gənc qadın MRT və rentgen müayinəsi etdirdi. Nəticədə onun onurğasında böyük kütlə aşkarlandı.
İngiltərəyə qayıtdıqda ailə həkimi xaricdə aparılan müayinə nəticələrinə baxmaqdan imtina etdi. Kalkan məcburən xüsusi beyin cərrahına müraciət etdi. Araşdırmalar nəticəsində ona nadir və aqressiv xərçəng növü olan "Ewing sarkoması" diaqnozu qoyuldu.
Diaqnoz anlarını danışan Kalkan yaşadığı şoku belə ifadə edib:
“Mənə şişin ciddi olduğunu dedilər. Həmin görüşdə həkimimə beş dəfədən çox "Sağalacağammı?" deyə sual verdim, amma dəqiq cavab ala bilmədim. Daim yaxşı olduğum deyilərkən əslində ölümcül bir xəstəliklə yaşamaq dağıdıcı idi.”
Leah Kalkan bu ağır prosesdən sonra gənclərdə xərçəng barədə maarifləndirmə işi aparmaq üçün öz hekayəsini ictimaiyyətlə bölüşür.
