Ermənistanda həbsdə olan iş adamı Samvel Karapetyanın “Bizim yol” hərəkatının bütün ermənilərin katolikosu II Qareginin iqamətgahı olan Eçmiədzinə toplaşmaqla bağlı çağırışına minlərlə reaksiya verib.
Teleqraf xəbər verir ki, bu barədə erməni mətbuatı məlumat yayıb.
Onlar bu ziyarətlə Erməni Apostol Kilsəsinə dəstək ifadə edib.
Hərəkatın sosial şəbəkədə dərc olunan müraciətində deyilir: "Gəlin göstərək ki, Eçmiədzin müdafiəsiz deyil. Ermənilər Eçmiədzini həmişə özünəməxsus şəkildə müdafiə ediblər və bundan sonra da müdafiə edəcəklər".
Onlar hazırda katolikos II Qareginin rəhbərlik etdiyi Eçmiədzin Ana kilsəsində keçirilən liturgiyada iştirak edirlər. Liturgiyadan sonra vətəndaşlar əllərində şamlar tutaraq Ermənistanın əsas ziyarətgahının ətrafında dairə təşkil edəcəklər. Bu çağırışa sadə vətəndaşlar və ölkədəki müxtəlif müxalif siyasi qüvvələrin nümayəndələri reaksiya verib.
“Bizim yol” könüllülər hərəkatının əlaqələndirmə şurasının rəhbəri, “Taşir” Şirkətlər Qrupunun rəhbərinin müavini, rusiyalı iş adamının qardaşı oğlu Narek Karapetyan jurnalistlərlə söhbətində siyasi suallara cavab verməkdən imtina edib.
"Bu gün biz ziyarətə gəlmişik və bu gün mən siyasi suallara cavab verməkdən çəkinəcəyəm. Son həmrəyliyimiz üçün dua edəcəyik", - Narek Karapetyan bildirib.
