İspaniyada sürətlə artan qrip və digər tənəffüs yolu infeksiyalarına görə hökumət yeni sağlamlıq protokolunu təsdiqləyib.
Sherg.az xəbər verir ki, protokol hazırda evdən çalışma, maske istifadəsi, aşılama və qapalı məkanların havalandırılması kimi tədbirləri tövsiyə edir. Risk səviyyəsi “aşağıdan çox yüksək”ə qədər dəyişəcək və vəziyyət pisləşərsə bu tədbirlər məcburi ola bilər. Xüsusilə xəstəxanalarda və yaşlılar evlərində maskaya diqqət çağırışı edilib. Ölkə üzrə pulsuz qrip vaksinasiya kampaniyaları başlayıb. Qrip hallarının keçən ilə nisbətən 3 dəfə artdığı və yeni “Subklade K” variantının yayılmanı sürətləndirdiyi bildirilib.
