Avropa yeni bir epidemya ilə üz-üzədir. Avropa Xəstəlikləri Önləmə və Nəzarət Mərkəzi (ECDC) Asiya Kaplanı Sivrisineyi (Aedes albopictus) olaraq bilinən və qızdırmalı xəstəliklərə səbəb olan ağcaqanad növünün şimal, şərqi və qərbi Avropada yayılmağa başladığını bəyan edib.
“Sherg.az” “NTV.com.tr”yə istinadən bildirir ki, Mərkəz epidemiyanın yayılmasını iqlim dəyişikliyi ilə əlaqələndirib. ECDC-dən verilən açıqlamada “Dang, chikungunya və “Zika” virusunun yoluxmasıyla əlaqəli olan Aedes albopictus virusu, Avropadan şimala, şərqə və qərbə doğru yayılmaqdadır və hazırda Avropa Birliyinin 13 ölkəsində qeydə alınıb. Adı “sarıhumma”, “dang”, “chikungunya” və “Zika” virusunun vektoru olan Sarı Humma ağcaqanadı (Aedes aegypti) yaxın zamanda Kıbrısda da qeydə alınıb. Və bu, xeyli narahatverici durumdur. Qərbi Nil virusunun yayılmasından sorumlu olan Culex pipiens ağcaqanadı Avropa qitəsinə xasdır və Avropa Birliyi ölkələrində mövcuddur. ECDC iqlim dəyişikliyinin bu növ ağcaqanadların çoxalmasına səbəb olduğunu bildirib. Ağcaqanadların çoxalması, yayılması üçün hazırda dünyada, o cümlədən Avropada “münbit şərait formalaşıb. Ətraf mühitin hədsiz çirklənməsi, çirkli su hövzələrinin formalaşması virus daşıyıcısı olan ağcaqanadların çoxalmasını və yayılmasını şərtləndirir. Bu da virus mənşəli xəstəliklərin yayılmasına, yoluxma sayının artmasına səbəb olur. Nəticədə xəstəliklər hətta epidemiya şəklini alır. Bu ilin başlanğıcından İspaniyanın Sevilya şəhərində Qərbi Nil virusu infeksiyası yayılıb. İqlim dəyişikliyi virusun yayılma vaxtını da dəyişib. Adətən yay aylarında baş verən bu tip hallara indi ilin başlanğıcından rast gəlinir. ECDC-nin direktoru Andrea Ammon isə bildirib ki, virusun yayılmasına həm də ölkələrarası səyahətlər, mal və məhsulların idxalı da səbəb olur. Yəni virus bir ölkədən digərinə bu yolla ötürülür. Virusun yayılma sürətini azaltmaq üçün yoluxmaların qısa zamanda təsbit edilməsi, yoluxmuş şəxslərin təcrid edilməsi və ciddi müayinə və müalicə əsasdır.
