Şimali Karolina Universitetinin tədqiqatçıları müəyyən ediblər ki, yağlı fast-food yeməkləri beynin yaddaşa cavabdeh olan hissəsi - hipokampusa demək olar ki, dərhal zərər vurur.
Sherg.az xəbər verir ki, siçanlar burger və kartof qızartması pəhrizinə keçirildikdən cəmi 4 gün sonra onların beynində CCK neyronları qlükozanı düzgün istifadə etməyi dayandırıb və yaddaş zəifləyib.
Yaxşı xəbər isə budur ki, aralıqlı oruc və ya sağlam qidalanmaya keçid yaddaşın bərpasına kömək edib.
Alimlər deyirlər ki, bu kəşf piylənmə, maddələr mübadiləsi pozğunluqları, demensiya və Altsheymer xəstəliyi arasında əlaqəni izah edir və göstərir ki, qidalanma seçimimiz beynə cəmi bir neçə günə təsir edə bilər.
