Qrip və koronavirus yatmış xərçəng hüceyrələrini oyadır, ağciyər və ya süd vəzilərinin xərçənginə səbəb ola bilər.
Oxu.Az "New York Post"a istinadən xəbər verir ki, bununla bağlı ABŞ-nin Kolorado Universitetinin Xərçəng Mərkəzinin alimləri araşdırma aparıblar.
"Yuxuda olan xərçəng hüceyrələri tərk edilmiş yanğında qalan kömür kimidir, tənəffüs yoluxucu viruslar isə alovu yelləyən güclü külək kimidir", - deyə tədqiqatın baş müəllifi və Onkoloji Mərkəzin direktor müavini Ceyms DeQreqori izah edib.
Onun sözlərinə görə, komanda siçanlar üzərində araşdırma aparıb. Süd vəzisinin metastatik xərçəngi və ağciyərlərində "yatmış" xərçəng hüceyrələri olan heyvanlar qrip və ya koronavirusun təsirinə məruz qoyublar. Hər iki halda, infeksiyalar ağciyərlərdə "yatmış" hüceyrələri oyadıb və iki həftə ərzində metastatik zədələnmələrə gətirib çıxaran qartopu effektinə səbəb olub.
DeQreqori, bu prosesin immun reaksiyaların, iltihabın və digər bioloji proseslərin tənzimlənməsində mühüm rol oynayan əsas zülal olan interleykin 6 (IL-6) tərəfindən idarə edildiyi görünür.
"Respirator virus infeksiyaları həyatımızın daimi hissəsinə çevrilib, ona görə də bu infeksiyaların uzunmüddətli nəticələrini anlamaq lazımdır", - deyə ekspert yekunlaşdırıb.
