Rusiya Prezidenti Vladimir Putin Pekində keçirilən “Bir kəmər, bir yol” forumunda Macarıstan Baş naziri Viktor Orbanla görüşüb.
Axar.az xəbər verir ki, bu barədə Rusiya mətbuatı məlumat yayıb.
“Baxmayaraq ki, bugünkü geosiyasi şəraitdə əlaqələr saxlamaq və inkişaf etdirmək imkanları çox məhduddur, buna baxmayaraq, bir çox Avropa dövləti ilə əlaqələrimizin qorunub saxlanılması və inkişaf etdirilməsi məmnunluq doğurmaya bilməz. Bu ölkələrdən biri də Macarıstandır”, - Putin bildirib.
Viktor Oban isə deyib ki, Budapeşt heç vaxt Moskva ilə qarşıdurma istəməyib:
“Çətin görüşlər olub, amma heç vaxt bu qədər çətin olmayıb. Biz əvvəllər heç vaxt belə çətin vəziyyətdə olmamışıq. Macarıstan heç vaxt Rusiya ilə qarşı-qarşıya gəlmək istəməyib, əksinə, məqsədimiz həmişə qarşılıqlı yaxşı əlaqələr yaratmaq və genişləndirmək olub və biz buna nail olduq”.
