Siyasi böhranın dərinləşdiyi Fransada Sebasten Lekornu parlamentə qədəm qoymadan istefa verən ilk baş nazir kimi tarixə düşdü. Prezident Makron onun istefasını qəbul edib.
Sherg.az xəbər verir ki, bu qərar Avropa ölkəsində mövcud olan siyasi dalanı daha da dərinləşdirib.
Makron, Lekornunu ötən ay bu vəzifəyə təyin etmişdi. Lakin Fransanın AFP xəbər agentliyinə görə, Lekornu dünən gecə saatlarında elan etdiyi və əsasən dəyişməz qalan kabinet tərkibi ilə siyasi spektrin bütün sahələrindən sərt tənqidlər alıb.
Müxalifət yeni hökuməti kəskin şəkildə tənqid edib.
Radikal sağçı “Milli Birlik” (RN) partiyasının lideri Jordan Bardella bildirib ki, qurulan yeni hökumət ölkənin problemlərini başa düşmədiyini açıq şəkildə göstərib.
Lekornu parlamentə qədəm qoymadan istefasını təqdim edən ilk baş nazir kimi tarixə keçib.
