“Gürcüstan hökuməti öz xalqını dinləmir və Avropa yolu ilə getmək istəmir”.
Teleqraf xəbər verir ki, bunu Avropa İttifaqı Komissiyasının genişlənmə üzrə komissarı Marta Kos deyib.
“Gürcüstan xalqı son üç seçki, hazırda davam edən etiraz aksiyaları və ictimai rəy sorğularında göstərdi ki, onlar Avropanı istəyirlər, amma hökumət yox. Görünür, hökumət öz xalqını dinləmir və Avropa yolu ilə getmək istəmir. Müxalif siyasətçilər həbs olunub, jurnalistlər və vətəndaş cəmiyyəti təşkilatlarının səsi boğulur”, - avropalı diplomat bildirib.
Marta Kos qeyd edib ki, Gürcüstan hakimiyyəti ölkədə Avropa İttifaqı əleyhinə dezinformasiyanın yayılmasına töhfə verir:
“Bu yalan bəyanatları pisləyirik və Avropa institutları, təşkilatlar və üzv dövlətlərə edilən bütün hücumları pisləyirik. Gürcüstan hökumətini öz xalqını dinləməyə, əhatəli olmağa, vətəndaş cəmiyyəti ilə danışmağa və onun Avropanın bir hissəsi olmaq istəyinə əməl etməyə çağırırıq”.
