Dünyanın ikinci ən zəngin insanları olan Ceff Bezos və Lauren Sançez evlənmək üçün günləri sayırlar. Məşhur cütlüyün Venesiyada keçirilən toyuna hansı adların dəvət olunduğu məlum olub.
Sherg.az xəbər verir ki, məşhur cütlüyün Venesiyada milyon dollarlıq toyu ilə bağlı təfərrüatlar ortaya çıxıb.
55 yaşlı Sançes və 61 yaşlı Bezos artıq toya dəvətnamələr göndəriblər. Cütlüyün iyunun son günlərində möhtəşəm mərasimlə həyatlarını birləşdirəcəkləri məlum olub. Toyun qonaqları arasında Hollivud aktyorları Leonardo Di Kaprio, Eva Lonqoriya, Orlando Blum və müğənni həyat yoldaşı Keti Perri və prodüser Brayan Qleyzer də var.
İtaliyadakı toyda əfsanəvi müğənni Barbra Streisand, Jewel, realiti-şou ulduzu Kim Kardaşyan və anası Kris Cennerin də iştirak edəcəyi gözlənilir.
ABŞ prezidenti Donald Trampın qızı İvanka Tramp və əri Jared Kuşner, Coşua Kuşner və model həyat yoldaşı Karli Klossun da mərasimə dəvət edildiyi öyrənilib.
Toyda iştirak edəcəyi gözlənilən digər adlar isə milyarder Bill Qeyts, iş adamı Barri Diller və onun dizayner həyat yoldaşı Diane fon Furstenberq, Anna Vintour, model Kamila Morrone, Bruks Nader və İordaniya kraliçası Rania Al-Abdullahdır.
2,5 milyon dollarlıq üzüklə gələn təklifdən sonra Sançes möhtəşəm mərasim üçün gəlinliyini seçib. Sançesin Oscar de la Renta tərəfindən hazırlanmış gəlinliyi geyinəcəyi düşünülür.
Mərasimin Bezosun 500 milyon dollarlıq Koru adlı yaxtasında keçirilə biləcəyi düşünülür. İddialara görə, dəbdəbəli yaxta şənliklər zamanı istifadə olunacaq və ətrafdakı qonaqları gəmi ilə daşımaq üçün istifadə olunacaq.
Qeyd edək ki, keçmiş aparıcı olan Sançes 2005-ci ildə Patrik Vaytsel ilə evləndi, lakin 2019-cu ildə Bezosla münasibəti üzə çıxandan sonra bu evlilik sona çatıb. Bu münasibət Bezosun dörd uşağının anası MakKenzie Skott ilə 25 illik evliliyinə də son qoyub.
