Dodaqları şişən məşhur komediyaçı xəstəxanaya yerləşdirilib
Məşhur komediya aktyoru Ceff Ross ağır allergik reaksiyadan sonra xəstəxanaya yerləşdirilib. Ross, burrata ətirli dondurma yedikdən sonra vəziyyətinin pisləşdiyini açıqlayıb.
Sherg.az xəbər verir ki, "Torching 2024: A Roast of Year" və "Historical Roasts" kimi istehsalları ilə adından söz etdirən Jeff Ross, Kaliforniyada bir nəfərlik şousunun "Take a Banana for the Ride" açılış gecəsindən sonra restorana gedib. Burada “burrata dondurması” yeyən amerikalı ulduzda qısa müddətdə allergik reaksiya yaranıb.
Şişmiş üzünü və dodaqlarını İnstaqram hesabında izləyiciləri ilə paylaşan Ross gecəni təcili yardım otağında keçirdiyini açıqlayıb.
Tərkibində mozzarella pendiri, qaymaq və italyan pendiri olan burrata dondurmasında hansı qidanın Ceff Rossun bədənində allergik reaksiyaya səbəb olduğu hələ dəqiq bilinmir. Məşhur komediya ustası tezliklə səhnəyə qayıdacağını bildirib.
