Survivor yarışması ilə tanınan Sahra Işık Aybirdi, körpəsini qucağına almaq üçün günləri sayır. Hamiləlik dövründə xeyli çəki aldığını bildirən Sahra, yaşadığı bu prosesi izləyiciləri ilə bölüşüb.
Sherg.az xəbər verir ki, Survivor yarışması ilə tanınan voleybolçu Sahra Işık və iş adamı olan həyat yoldaşı İdris Aybirdi bir zamanlar evliliklərində bəzi çətinliklər yaşamışdı. 2019-cu ildə evlənən cütlük münasibətlərini qorumaq üçün cütlük terapisinə müraciət etmişdi.
Evliliklərini xilas edən cütlük, daha sonra sevincli xəbəri paylaşmışdı. Oğlan övladı gözləyən cütlük artıq körpələrinə qovuşmaq üçün günləri sayır.
Instagram hesabından paylaşım edən və ana olmağa hazırlaşan Sahra Işık Aybirdi, hamiləlik təcrübəsini belə ifadə edib:
“Hamiləlik prosesi gözlədiyimdən daha yaxşı keçdi, çox şükür. Açığı, hər bir ana olmağa hazırlaşan qadın kimi mən də duyğusal dalğalanmalar yaşadım. Amma bu müddətdə özümü xəstə kimi hiss etmədim. Əksinə, bədənimdə bir can daşımağın qürurunu yaşayaraq davam etdim. Bu dövrdə mədə yanmalarım çox artdı. Tövsiyə edə biləcəyiniz bir şey varsa, dinləməyə hazıram.
Doğuma az bir vaxt qaldı və körpəmin ən sürətlə böyüdüyü, ən çox çəki alınan dövrə girdim. Hal-hazırda +10 kiloqram aldım, amma doğuma qədər görək nə qədər olacaq. Kilo almağı heç vaxt dərd etmirəm. Ən vacib şey körpəmin sağlam doğulmasıdır.”
