Aktrisa İlayda Alişan, rol aldığı “Piyasa” serialının final etməsinin ardından istirahətə yollanıb. Uzun müddətdir Oğulcan Engin ilə münasibət yaşayan Alişan, sevgilisi ilə xoşbəxt anlarını sosial mediada paylaşıb.
Sherg.az xəbər verir ki, son olaraq “Piyasa” adlı serialda baş rol oynayan İlayda Alişan, həm karyerası, həm də şəxsi həyatı ilə gündəmdə qalmağa davam edir. Məşhur ifaçı Seda Sayan və futbol şərhçisi Sinan Engin’in oğlu Oğulcan Engin ilə uzun müddətdir birlikdə olan məşhur aktrisa, serialının finalından sonra tətilə çıxıb.
Fransanın paytaxtı Parisdə dincələn İlayda Alişana sevgilisi Oğulcan Engin də yoldaşlıq edib.
Tətilə aid görüntüləri sosial media hesabında paylaşan məşhur aktrisa, paylaşımına “Sabahınız xeyir” qeydi əlavə edib.
Münasibətlərini diqqətdən uzaq saxlamağa üstünlük verən cütlüyün romantik fotosu izləyicilərdən böyük maraq görüb.
Digər tərəfdən, Oğulcan Engin daha əvvəl İlayda Alişan ilə münasibəti haqqında “Biz İlayda ilə əvvəlcə dost idik və bu dostluq sevgiyə çevrildi” sözlərini işlətmişdi.
