Mahnıları dillər əzbəri olan məşhur müğənni Sibel Can, İbrahim Selimin proqramına qonaq olub. Tanınmış sənətçi keçmişdə bir manyak fanatından polis sayəsində xilas olduğunu ilk dəfə danışıb.
Sherg.az xəbər verir ki, "İbrahim Selim ilə Bu Gecə" proqramının bu həftəki qonağı məşhur müğənni Sibel Can olub. Məşhur sənətçi həm güldürüb, həm də keçmişdə yaşadığı bir hadisəni danışaraq izləyiciləri narahat edib.
Son zamanlarda səhnə geyimləri ilə tez-tez medianın gündəminə gələn sənətçi, bu dəfə proqramdakı açıqlamaları ilə diqqət çəkib.
İbrahim Selimin “90-lar və 2000-lərdə hamının platonik sevgisi idiniz. Heç unutmadığınız bir sevgi etirafı varmı?” sualına Sibel Can daha əvvəl heç danışmadığı bir xatirə ilə cavab verib.
“Bu tam olaraq bir sevgi etirafı deyildi, amma fanatik bir fanat işin ucunu buraxmadı. Məni öz həyat yoldaşı, uşaqlarımı isə öz uşaqları kimi görməyə başladı. Bir gün böyük bir qutu gəldi.
Köməkçilərim qutunu açdı, içindən pomidor, bibər, açıq lokum, mürəbbə, mənə bir gecəlik, bir ədəd paçalı alt paltarı, Melisaya isə bir don çıxdı.
Yanında bir də məktub vardı: ‘Mən İstanbuldan kənardayam, xahiş edirəm uşaqlarıma yaxşı bax. Az qaldı, həyat yoldaşım, gəlirəm. Melisa lokumu çox sevir deyə ona da aldım’ – yazılmışdı.”
Sibel Can daha sonra gələn başqa bir qutu ilə yaşadığı qorxunu bu sözlərlə bölüşdü:
“Bir gün gələn qutudan bu dəfə bir də bıçaq çıxdı. O anda həqiqətən çox qorxdum. Dedim, bu artıq normal deyil. Dərhal polisə müraciət etdik. Xoşbəxtlikdən polis qrupları tez bir şəkildə hərəkətə keçdi və həmin manyak fanatı tapdı. Allah kömək olsun.”
