Amerikalı müğənni Teylor Svift öz yaradıcılığına həsr olunmuş “The End of an Era” (“Bir dövrün sonu”) adlı 6 bölümdən ibarət sənədli serialını təqdim etməyə hazırlaşır.
Axşam.az xəbər verir ki, bu barədə sənətçi sosial şəbəkədə məlumat yayıb.
Layihənin ilk iki bölümü 12 dekabrda "Disney+" platformasında yayımlanacaq. Daha sonra hər iki həftədən bir növbəti iki bölümü platformada izləmək mümkün olacaq.
Sənədli serialda səhnəarxası görüntülər, tur iştirakçıları, ailə üzvləri və yaxın dostları ilə müsahibələr yer alacaq. Layihədə həmçinin Ed Şiran və Florens Uelç kimi dəvətli ulduzların da çıxışları yer alacaq.
İlk iki seriyanın yayımlandığı gün Vankuverdə baş tutmuş sonuncu konsertin tam video yazısı da "Disney+" üzərindən təqdim olunacaq.
