Türk seriallarına ən çox tələbat olan ölkələr İspaniya, Səudiyyə Ərəbistanı və Misirdir
Reytinq rekordları qıran türk serialları xaricdə də böyük marağa səbəb olur.
Sherg.az Türkiyə mediasına istinadən xəbər verir ki, türk serialları Avropadan Yaxın Şərqə, Latın Amerikasından Asiyaya qədər geniş tamaşaçı kütləsi qazanmış, televiziya və rəqəmsal platformalar vasitəsilə 150-dən çox ölkədə 800 milyondan çox tamaşaçıya çatıb.
Türkiyə Statistika Təşkilatının məlumatlarına görə; 2024-cü ildə teleserial və kino sənayesinin ixracı 602 milyon dollar olub.
Mövzu ilə bağlı açıqlama verən Ticarət Nazirliyi ABŞ, Braziliya, Rusiya və Çin kimi rəqabətin yüksək olduğu bazarlarda film və serial satışının davam etdiyini açıqlayıb.
Qlobal bazarda serial ixracatında ilk 5-də yer alan Türkiyə, ABŞ və İngiltərədən sonra dünyada ən çox serial ixrac edən üçüncü ölkədir.
Türk seriallarına ən çox tələbat olan ölkələr İspaniya, Səudiyyə Ərəbistanı və Misirdir.
