Məşhur müğənni Şakira Peruda konsert turunda olarkən mədəsində narahatlıq keçirərək xəstəxanaya yerləşdirilib. Müğənni bu dəfə vətəni Kolumbiyada baş tutmalı olan konsertini təxirə salmalı olub.
Sherg.az xəbər verir ki, 48 yaşlı müğənni fevralın 11-də axşam saatlarında Braziliyada dünya turnesinin ilk konsertini verib. Daha sonra konsert üçün Peruda olan sənətçi mədə xəstəliyindən əziyyət çəkib.
Müğənni yazıb: "Dünən gecə qarın ağrısı səbəbindən təcili yardıma getdiyimi və hazırda xəstəxanada olduğumu sizə təəssüflə bildirməliyəm".
Müğənni indi vətəni Kolumbiyada keçirilməsi planlaşdırılan konsertini təxirə salmaq məcburiyyətində qalıb. Müğənni "onundan asılı olmayan" şəraitə görə konsertini yarımçıq qoyub.
Tədbir təşkilatçıları Atanasio Girardot stadionundakı şounun məkanın damının zədələnməsi və təhlükəsizlik problemləri səbəbindən ləğv edildiyini bildiriblər.
Konsertin yeni tarixinin daha sonra açıqlanacağı bildirilib.
