Ali təhsil müəssisələrinin magistratura səviyyəsinə ixtisaslaşma seçimi prosesinə start verilib.
Sherg.az xəbər verir ki, Dövlət İmtahan Mərkəzinin (DİM) məlumatına görə, seçimdə 15 fevral, 17 may və 14 iyun 2026-cı il tarixlərində keçirilmiş qəbul imtahanlarının (bəzi proqramlar üzrə qabiliyyət imtahanının) nəticələrinə əsasən müsabiqə şərtlərini ödəyən bakalavrlar iştirak edə bilərlər.
Namizədlər 26 iyul saat 23:59-dək internet vasitəsilə ixtisaslaşma seçimini həyata keçirməlidirlər. Bakalavrlar 20-dək ixtisaslaşma seçərək onları istədikləri ardıcıllıqla elektron ərizəyə daxil edib təsdiqləyə bilərlər.
DİM qeyd edib ki, müsabiqədə yalnız elektron ixtisaslaşma seçimi ərizəsini təsdiqləyən bakalavrlar iştirak edəcəklər.
