“Meta”nın süni zəka yarışında öndə olmaq üçün 14,3 milyard dollarlıq sərmayə ilə qurduğu Süper Zəka Laboratoriyası artıq daxili gərginliklər və istifalarla üzləşib.
Sherg.az xəbər verir ki, Scale AI ilə əməkdaşlıq çərçivəsində laboratoriyaya qatılan qurucu ortaq Alexandr Vanq və digər yüksək səviyyəli tədqiqatçılar, “Meta”nın bürokratik maneələri və hantal strukturu səbəbindən komanda içində narazılığa yol açıb.
CEO Mark Zukerberqin Llama 4 modelindən gözlənilən nəticəni əldə edə bilməməsi və rəqib şirkətləri yaxalamaq üçün həyata keçirdiyi sürətli tədqiqatçı transferləri də sabitliyi pozub. Bunun nəticəsində bir neçə OpenAI-dan transfer olunmuş tədqiqatçı, o cümlədən Süper Zəka Laboratoriyasının üzvləri istefa verib və bəzi rəhbər şəxslər OpenAI-a keçib.
Bu hadisələr “Meta”nın süni zəka sahəsindəki böyük investisiyasının ilk aylarından etibarən ciddi daxili çətinliklərlə üzləşdiyini göstərir.
