ABŞ-nin tələblərinə baxmayaraq, İsrail Rəfaha girəcək.
APA "Times of Israel"ə istinadən xəbər verir ki, bu barədə İsrail Baş naziri Benyamin Netanyahu Knessetin Xarici Əlaqələr və Müdafiə Komitəsinin qapalı iclasında deyib.
"Amerikalılar bizdən Rəfahda əməliyyat keçirməməyimizi istəyiblər, amma başqa seçim yoxdur. Filadelfi marşrutu üzərində nəzarətə ehtiyacımız var", - Netanyahu Misir-Qəzza sərhədi boyunca uzanan sərhəd marşrutuna toxunaraq qeyd edib.
Humanitar yardımla bağlı Netanyahu bildirib ki, onlar qida paylamaq üçün kənar təşkilatlar, həmçinin “özəl şirkətlər” axtarırlar: “İsrailin nöqteyi-nəzərindən qəzzalıların getməsinə heç bir maneə yoxdur, lakin dünyada onları qəbul etməyə hazır olan ölkələr yoxdur”.
O əlavə edib ki, İsrail Misirə “Rəfah keçidini” əvəz etmək üçün Kerem Şalomda yeni sərhəd keçidi tikir və İsrail ona nəzarət edəcək.
