Fazil Mustafa deyib ki, oğrulardan müsadirə olunan vəsaitləri hərbçilərə verməliyik
Parlamentin dünənki iclasında millət vəkili Fazil Mustafa deyib ki, bölgəmizdə baş verən müharibə təhlükəsi hamımızı narahat edir: “Qarabağda müəyyən işlər hələ də qalır. Bölgəni müəyyən ünsürlərdən təmizləmək üçün biz Müdafiə Nazirliyini təmizləməliyik. Nazirlikdə aparılan son işlər məni sevindirir. Nazirliyin bütün strukturlarında olan köstəbəkləri aradan qaldırmalıyıq. Tərtər hadisələrində, savaşda da bunu gördük. Əsas orda oturan divləri tutmaq lazımdır. Hansısa kiçik məmurun əli ilə bu oğurluq baş verə bilməz. Biz müsadirə olunan vəsaitləri müavinət olaraq hərbçilərə verməliyik. Azərbaycan hərbçisinin həyat şəraitini yaxşılaşdırmalıyıq. Sonradan haqqı pozulmuş hərbiçinin, zabitin haqqını bərpa etmək olmur. Onların çoxu xəstəlik tapır. Hərbi prokurorluq tərəfindən bəzi zabitlər süni ittihamlarla məsuliyyətə cəlb olunurdu. Hamılıqla ordunu qorumaq üçün ölkə Prezidentinin bu istiqamətdə apardığı işi dəstəkləməliyik”.
