"Aparılan müşahidələrdən məlum olur ki, koronavirus təkcə əhalinin sağlamlığına ziyan vurmur. Həm də insanların sosial rifahı təhlükə altına düşür. Bəzi sahibkarlar mövcud vəziyyətdən sui-istifadə edərək əməkdaşları işdən çıxarırlar. Halbuki Prezident İlham Əliyev öz çıxışlarında sahibkarları bu məsələyə həssas yanaşmağa çağırıb. Görünən odur ki, bəzi sahibkarlar dövlət başçısının çağırışına zidd olan əməllərini davam etdirməkdə israrlıdırlar".
Hüquq müdafiəçisi Əliməmməd Nuriyev "Sherg.az"- a açıqlamasında həmin sahibkarlara qarşı ciddi tədbirlərin görüləcəyini deyib:
"Mövcud vəziyyətlə əlaqədar olaraq hökumət səviyyəsində ciddi addımlar atılır. Nazirlər Kabineti yanında Operativ Qərargahın, işçi qruplarının yaradılması, həmçinin dövlət büdcəsindən koronavirusla mübarizə fonduna 1 milyard manatın ayrılması buna bariz nümunədir. İşçi qruplarının əsas vəzifələrindən biri də vətəndaşların məşğulluğunun təmin edilməsidir. Ancaq elə sahibkar var ki, mövcud situasiyanı nəzərə almır. Düzdür, sahibkarlar ziyana düşürlər. Onları da başa düşmək olar. Lakin hökumətin həmin sahibkarların zərərinin ödənilməsi üçün müvafiq tədbirlər görür. Odur ki, sahibkarların əməli yolverilməzdir! Sosial məsuliyyət hissi olmalıdır. Bir çox dövlət qurumlarının əməkdaşları əməkhaqqı saxlanılmaqla məzuniyyətə buraxılıblarsa, sahibkar niyə işçiləri pis vəziyyətdə qoymalıdırlar?!"
Kənan Novruzov
