Vladimir Zelenskini danışıq aparmaq üçün bütün gecə axtarmışıq, yalnız səhər tapdıq. Adekvat insan deyil.
Sherg.az Axar.az-a istinadən xəbər verir ki, bunu Belarus Prezidenti Aleksandr Lukaşenko deyib.
“Onu bütün gecə axtardıq, yalnız səhər tapdıq. Ola bilsin ki, danışaq. Bu insan qeyri-adekvatdır. Nə baş verdiyini anlamır. Hamı oturub Qomeldə gözləyir. Ukrayna tərəfi gəlsə, danışıqlar olacaq, gəlməsələr, deməli, bu, onların seçimidir”, - Lukaşenko bildirib.
Qeyd edək ki, Rusiya nümayəndə heyəti 15:00-a kimi (Bakı vaxtı ilə 16:00) gözləyəcəyini bildirib. Kiyev Belarusun danışıqlar üçün münasib yer olmadığına, həmçinin Rusiyanın sülh üçün Ukrayna ordusunun silahı yerə qoyması tələbinə görə nümayəndə heyəti göndərməkdən imtina edib.
