İki şimpanze qəbiləsi arasında müharibəni eşitmişdinizmi?
Müharibələrin həmişə insanlar arasında olacağına dair bir qayda yoxdur. Bəzən heyvanlar arasında da zaman-zaman belə müharibələrə rast gəlmək mümkündür.
"Şərq" xarici mətbuata istinadən xəbər verir ki, belə bir hadisə 1974-1978-ci illərdə Tanzaniyada baş verib. Belə ki, 1974-cü ildə Kahama və Kasakela adlı iki şimpanze qəbiləsi arasında müharibə başlayıb. Maraqlısı budur ki, bu müharibə düz 4 il davam edib. 4 illik müharibənin məqsədi Kasakela qəbiləsinin Kahama qrupunun torpaqlarını işğal edərək qida ehtiyatlarını ələ keçirmək olub. Həmin müharibə ilk dəfə Kasakela qrupundan olan 6 şimpanze tərəfindən başladılıb. Belə ki, altı Kasakeladan olan meymun dəstəsi ağacın üstündə meyvə yeyən Kahama qəbiləsindən olan Qodi adlı gənc bir meymunu mühasirəyə alır. Onlar onu ağacdan yıxaraq yerə sürükləyirlər. Qodini qollarından və ayaqlarından tutaraq döyüb və dişləyirlər.
Hətta bir neçə dəfə böyük bir qayaya çırpırlar. Qodi bitəhər onlardan canını qurtarır və sürünərək oradan uzaqlaşır. Bundan sonra o bir daha görünmür. Ehtimal ki, o, döyülmədən sonra ölür. Daha sonra iki qəbilə arasında yerləşən Kalande qrupu və Kasakela arasında sərhəd toqquşmaları baş verir. Kalande qrupu ondan üstün olan Kasakela qəbiləsinə təslim olur.
Bundan sonra həmin torpaqlar Kasakela və Kahama qəbiləsinin müharibə meydanına çevrilir. Bu taktikalardan istifadə edərək Kasakela sakinləri növbəti dörd il ərzində sistematik olaraq Kahama kişilərini bir-bir axtarıb pusquya salıb öldürürlər. Hətta Kahama qəbiləsindən olan Passion adlı ana meymun qorxunc bir şəkildə, bəlkə də stres səbəbindən uşaqlarını öldürməyə və öz əsgərlərini yeməyə başlayır. 1977-ci ildə Kahama kişilərinin sonuncu iki nümayəndəsi Çarli və Sniff öldürülür. Birliyin kişiləri tamamilə bitdikdən sonra Kasakela basqınçıları qadınlara üz tuturlar. Onlar zorla Kasakela torpağına sürgün edilirlər və bütün körpələri məhv edilir. 1978-ci ildə Kahama bölməsi artıq mövcud olmur. Demək olar ki, tamamilə və sistematik şəkildə silinir.
Mütəxəssislər bu hadisənin iki əsas səbəbi olduğunu güman edirlər. Onlar hesab edir ki, bu, sadəcə sosial qarşıdurma və regional gücə sahib olmaq uğrunda mübarizə idi.
