Çanaqqalanın Yenice Məhəlləsində yerləşən qəbiristanlığa ziyarətə gələn insanlar burada gördükləri hadisəyə heyrətlənirlər.
"Sherg.az" Türkiyə mətbuatına istinadən xəbər verir ki, buna səbəb iki qəbrin sanki bir-birilə qucaqlaşmasıdır. Arvadının 50 il bundan əvvəl bir qız dünyaya gətirdikdən sonra öldüyünü bildirən Nail Male qeyd edib ki, körpələri yalnız 20 gün sağ qalıb:
“Bundan sonra qızımı da rayon qəbiristanlığında anasının yanında dəfn etdik. Bir müddətdən sonra ziyarətə gedəndə gördüyüm mənzərə məni və yaxınlarımı təəccübləndirdi. Çünki yan-yana dəfn etdiyimiz həyat yoldaşımla qızımın məzarları sanki bir-birinə qovuşmuş şəkildə idi. Sanki ona sarılmış və ana ilə bala sevgisini yaşıyır kimiydilər. Bu durumdan sonra məzarı 4-5 dəfə düzəltdik. Ancaq hər dəfəsində qəbirlərin əvvəlki halını aldığını gördük. Bundan sonra o qəbirlərə toxunmadıq. Hələ də məzarlar bu formada durur. Qəbiristanlığı ziyarət etməyə gələnlər 50 ildir ki, davam edən bu maraqlı hadisəyə heyrətlərini gizlədə bilmirlər ".
