Cənub Afrikada bir qadın 3 aylıq körpəsini gecə evdə tək buraxıb çölə çıxıb. Səhərə yaxın evə dönən qadın qorxunc mənzərəylə qarşılaşıb.
Milliyyət xəbər verir ki, məsuliyyətsiz ananın adı açıqlanmır. Dünyanın fərqli bir çox ölkəsində şok təsiri yaradan hadisədə əkiz körpə sahibi olan 26 yaşlı qadın gecə əylənmək üçün körpələrdən oğlan olanı yanına alır, qızı isə yatağında qoyub gedir. Səhərə yaxın evə sərxoş halda dönən qadın həyatının ən pis mənzərəsiylə qarşılaşıb. Qanlar içində yataqda körpəsindən qalan yalnız cəsəd parçaları idi. Qışqıraraq ağlayan qadının səsinə qonşular yetişir.
Hal şahidlərindən biri dəhşətli hadisəni bu sözlərlə anladır: "Yazıq körpənin dili, gözləri və barmaqları gəmiricilər tərəfindən yeyilmişdi. Bədəninin bəzi parçaları yox idi. Cəsədin qalan qisimində nəhəng siçovulların izləri və yaraları olduğunu fərq etdik. Bu qadın həbsdə çürüməli, analıq etməsinə icazə verilməməlidir."
Nəzarətə alınan ana məhkəməyə çıxarılacaq. Əkiz körpələrdən həyatda qalan oğlan uşağı atasının himayəsinə verilib. 28 yaşlı ata "Uşaqlarımın anası keçmiş sevgilimdir. Qızımızı evdə buraxıb, əylənməyə gedib. Evə gələndə isə qızımı o halda görüb" deyir. Qadının məsuliyyətsizliyinə qonşularından reaksiya yağıb. Eyni məhəllədə olanlar qadının tez-tez əyləncələrdə olduğunu, uşaqlarıyla heç maraqlanmadığını söyləyir.
