Avropa Komissiyası "Facebook" sosial şəbəkəsini "WhatsApp" messencerinin alınması zamanı yalan informasiya verməkdə ittiham edib.
İKT.lent.az-ın "Reuters"ə istinadən xəbərinə görə, bu qərar sövdələşmənin təsdiqinə mane olmasa da, "Facebook"u dövriyyənin 1%-i həcmində cərimə gözləyir.
Avropa Komissiyasından bildirilib ki, "Facebook" və "WhatsApp"ın istifadəçi məlumatlarının birləşdirilməsi 2014-cü ildən mümkün olub. Bu isə sosial şəbəkənin bəyanatları ilə ziddiyyət təşkil edir.
"Facebook" 31 yanvar 2017-ci ilə qədər Avropa Komissiyasına cavab verməlidir. Şirkətdən bildirilib ki, texniki imkanları və planları barədə Avropa Komissiyasına təqdim etdikləri məlumatları dəyişdirməyiblər.
