Braziliyada son sutkada yeni növ koronavirusdan 3 650 nəfər ölüb.
“Anadolu” agentliyi ölkənin Səhiyyə Nazirliyinə istinadən xəbər verir ki, bu rəqəm pandemiya başlanandan Braziliyada ən yüksək göstəricidir.
Ümumilikdə, virus səbəbi ilə həyatını itirənlərin sayı 307 112-yə çatıb.
Ölkədə son 24 saatda 84 245 yoluxma qeydə alınıb, bununla da ümumi yoluxma sayı 12 404 414-ə qalxıb.
ABŞ-dan sonra yoluxma sayına görə ikinci yerdə olan Braziliyada koronavirusun daha yolxucu “P1” növünün yayılması vəziyyəti daha da çətinləşdirir.
