Bütün ölkə onun üçün səfərbər olub...
33 yaşlı gənc marketinq meneceri yoxa çıxıb.
"Şərq" xarici mətbuata istinadən xəbər verir ki, Sarah Everard adlı gənc qadın son dəfə martın 3-də saat 21:30 radələrində görünüb. Həmin vaxt bir evin qapısındakı kameraya görüntüləri düşüb. O, yoxa çıxmamışdan əvvəl sevgilisi ilə 15 dəqiqəlik bir telefon danışığı apardığı məlum olub. Bu söhbət əsnasında Saranın ertəsi gün sevgilisi Josh Loth ilə görüşməyi planlaşdırdığı müəyyənləşib. Ailəsi və dostları sosial şəbəkələrdə Everardın tapılmasına kömək məqsədilə çağırışlar ediblər. Ailəsi onun xəbər vermədən bir yerə getmək kimi xarakterə malik olmadığını söyləyir. London polisi Everardın itməsi ilə əlaqədar olaraq Kentdə hazırda vəzifədə olan bir polis məmurunun və bir qadının da şübhəli bilinərək tutulduğunu açıqlayıb.
Polis müavini Nick Ephgrave bildirib ki, bu həbs çox ciddi və əhəmiyyətlidir: "Bu istintaq üzərində işimizi sürətlə davam etdirəcəyik. Lakin saxlanan şəxsin növbətçi bir polis məmuru olması həm şok, həm də dərin narahatlıq gətirir. Sarahı tapmaq üçün əlimizdən gələni edirik. Çoxlu sayda ictimai məlumatlar alırıq. Bunlar nə qədər əhəmiyyətsiz görünsə də, hər birini ciddi araşdırırq. İndiyədək 120-dən çox telefon zəngi almışıq. 750-dən çox evdə axtarş aparmışıq. Axtarış işlərində itlərdən də geniş istifadə olunur. Ümid edirik ki, tezliklə onu sağ-salamat tapacağıq".
