Bu gün İstanbul üzrə keçirilən təkrar bələdiyyə seçkilərinin ilkin nəticələrinə görə qələbə qazanan Əkrəm İmamoğlu mətbuata ilk açıqlamasını verib. Sherg.az bildirir ki, müxalif Cümhuriyyət Xalq Partiyasının (CHP) namizədi İmamoğlu seçki dairələrində əziyyət çəkənlərə minnətdarlığını bildirib:
"Bugünkü seçimin nəticələri hamımız üçün xeyirli olsun. Seçki dairələrində zəhmət çəkmiş yüz minlərlə insana minnətdarlığımı bildirirəm. Səslərin sayılması tam başa çatana qədər tərəfdarlarımdan xahiş edirəm ki, seçki məntəqələrini tərk etməsinlər. Dediklərim "İstanbulda bir səhifə qapandı, yeni səhifə açıldı” anlamına gəlmir. Yeni səhifəni hamımız ortaq açacaq, ədalət, sevgi ilə idarə edəcəyik. Bu gün 16 milyon istanbullunun ədalətə olan inancı yeniləndi”.
Qeyd edək ki, İstanbul böyük şəhər bələdiyyəsi başqzanlığına keçirilən təkrar seçkilərdə səsin 54 faizini Əkrəm İmamoğlu, 45,1 faizini hakim Ədalət və İnkişaf Partiyasının (AKP) namizədi keçmiş baş nazir və parlament sədri Binəli Yıldırım qazanıb. Səs fərqi 777 min 581-dir.
Anar
