Türkiyədə müxalif partiya olan CHP-nin üzvü Əkrəm İmamoğlu prezident Rəcəb Tayyip Ərdoğanın namizədi olan Binəli Yıldırımı 23 iyunda baş tutan təkrar bələdiyyə seçkilərində geridə qoyub.
"Sherg.az" «Le monde.fr» ə istinadən xəbər verir ki, iyunun 23-də İstanbulda Ə.İmamoğlunun tərəfdarları onun ətrafına toplaşaraq bu günü bayram ediblər.
Qeyd edək ki, Ə.İmamoğlu bu marafona CHP namizədi kimi qatılıb. İyunun 23-də seçkilər yenidən keçirildi və Ə. İmamoğlu 54, 3 faiz səslə İstanbul bələdiyyə başqanı seçildi. Binəli Yıldırım isə 45, 9 faiz lə səslə geridə qaldı.
Bu qələbədən sonra Ə.İmamoğlu tərəfdarları avtobuslara dolaraq Seyrentepeye axın ediblər. Onlar «necə də gözəl gündür, İmamoğlu qazandı » şuarı ilə çıxış ediblər.
Qeyd edək ki, YSK 31 martda ilkin bələdiyyə seçkilərinin nəticələrini ləğv edib. Bu seçkilərdə müəyyən şübhəli mqəamların və saxtakarlıqların olduğu əsas gətirərək hakim partiya seçkinin növbəti dəfə keçirlməsini istədi və keçirdi də. Nəticədə Ərdoğan növbəti dəfə xəyal qırıqlığına uğradı.
Seçkilərin nəticəsi məlum olduqdan sonra Türkiyə prezidenti R.T.Ərdoğan « Twitter » hesabında Ə.İmamoğlunu təbrik etdi. Son 17 ildə ilk dəfədir ki, R.T.Ərdoğan seçkinin nəticələri ilə bağlı təbriklərini canlı etmir. Çünki bundan öncəki bütün seçkilərin nəticələrində Ərdoğan canlı təbriklər səsləndirib.
Müxalifətin namizədi olan Ə. İmamoğlu da öz növbədində R.T.Ərdoğananın ünvanına bunları deyib:
« Cənab prezident sizinlə işləməyə hazıram. Bu gündən etibarən yeni səhifə açılır. Bu səhifədə ədalət, bərabərlik, sevgi və başqa müqəddəs dəyərlər öndə olacaq.
Tərcümə etdi : Ayyət Əhməd
