Türkiyənin Hatay vilayətindəki “Asri” qəbristanlığında 15 ildir ki, gül satan iki uşaq anası 57 yaşlı Gülsərən Bozqurd qazandığı pulla həm ailəsini dolandırır, həm də böyük qızını “Oxford” Universitetində oxudur.
“Haber Global”ın məlumatına görə, onun həyat yoldaşı gündəlik işlərdə işləyir, bəzən də iş tapa bilməyərək evə əliboş qayıtmalı, bir müddət işsiz oturmalı olur.
Ailənin gələcək ümidi isə 25 yaşlı qızları ilə bağlıdır. Mərvə hazırda “Oxford”da 5-ci kursda təhsil alır. O, beyin cərrahı olmağı arzu edir.
