Tvitter sosial şəbəkəsi tezliklə istifadəçilərə alış-veriş imkanı təqdim edəcək. Şirkətin "Mağaza" funksiyasını testdən keçirməyə başladığı bildirilir.
"Sherg.az" ted.az-a istinadən bildirir ki, sosial media mütəxəssisi Matt Navarranın paylaşdığı tvit Tvitterin bəzi yeniliklərini üzə çıxarıb. Navarranın sözlərinə görə, platforma hazırda alış-veriş tvitləri üzərində çalışır.
İddialara görə, Tvitter çox sadə alış-veriş kartı hazırlayır. Bununla yanaşı, yeniliklə satıcılara məhsul haqqında açıqlama verməyə imkan yaradan 280 simvolluq statusların istifadəyə veriləcəyi gözlənilir.
Bununla şirkət gəlir mənbələrini genişləndirmək və istifadəçiləri platformada daha uzun müddət saxlamağı hədəfləyir.
