Azərbaycan ərazisində fəaliyyət göstərən bütün diplomatik nümayəndəliklərin təhlükəsizliyini tam şəkildə təmin edir.
Bunu Sherg.az-a İŞİD-in Rusiyanın Azərbaycandakı səfirliyini hədəf alması xəbərinə münasibət bildirərkən, Azərbaycan Xarici İşlər Nazirliyi (XİN) mətbuat xidmətinin rəhbəri Hikmət Hacıyev deyib.
XİN sözçüsü qeyd edib ki, İŞİD-in bu planı Kütləvi İnformasiya Vasitələrində yayılan məlumatdır və nazirlik bunu şərh etmir:
"Azərbaycan Respublikası Diplomatik Münasibətlər haqqında Vyana Konvensiyasından çıxış edərək, ölkəmizdə fəaliyyət göstərən digər dövlətlərin səfirliklərinin və rəsmi nümayəndələrin təhlükəsizliyini təmin edir və bütün lazımi tədbirlər görülür”.
Qeyd edək ki, Virtualaz.org-un "The Sun”a istinadən verdiyi xəbərə görə, İŞİD terror qruplaşması Rusiyanın Ankaradakı səfiri Andrey Karlovun güllələnməsindən sonra Rusiyanın Bakıdakı səfirliyini də hədəf alıb.
Aysel Aslan
