MDB ölkələrinin və BRICS-ə üzvlük və əməkdaşlıq üçün müraciət edən dövlətlərin liderləri təşkilatın Kazanda keçiriləcək sammitinə dəvət olunublar.
APA-nın Moskva müxbiri xəbər verir ki, bunu Rusiya prezidentinin köməkçisi Yuri Uşakov bildirib.
Onun sözlərinə görə, iddiaçılar arasında (BRICS-ə üzvlüyə-red) Afrika, Latın Amerikası, Yaxın Şərq və Cənub-Şərqi Asiyada nüfuzlu inteqrasiya birliklərinə rəhbərlik edən ölkələr var.
Qeyd edək ki, BRICS-in sayca 16-cı sammiti bu ilin oktyabrın 22-24-ü tarixlərində Tatarıstanın paytaxtı Kazan şəhərində keçiriləcək.
