Hazırda Azərbaycada yerli şirkətlərə məxsus 14 minə yaxın “TIR” adlanan nəqliyyat vasitələri fəaliyyət göstərir.
“APA-Economics” xəbər verir ki, bunu “İctimai proseslər media müstəvisində” mövzusunda tədbirdə Azərbaycan Yerüstü Nəqliyyat Agentliyinin (AYNA) kommunikasiya departamentinin direkroru Vəli Məmmədov deyib.
O bildirib ki, bu 2022-ci illə müqayisədə 10 min ədəd artım deməkdir:
“Bu, həm də yeni iş yerləri deməkdir. Sərnişin daşıma sahəsində Bakıda 2200-dən çox avtobus fəaliyyət gösətrir. Bu da gündə bir milyondan çox sərnişin daşınma deməkdir.”
“Ümumi yanaşma budur ki, 2030-cu ilə qədər Bakı 30 ən yaxşı şəhər sırasına qoşulsun. Bunun üçün də nəqliyyat sistemi gözəlləşdirilməlidir. Yaxın gələcəkdə avtobusların sayını bir az da artırmağı düşünürük”, - deyə, o, əlavə edib
