Sabunçu Tibb Mərkəzində müalicəsi davam edən gənc şair Həsən Kürün vəziyyəti hələ də ağırdır.
Bu barədə “Şərq”ə TƏBİB-dən bildirilib. Məlumatda qeyd edilir ki, 1996-cı il təvəllüdlü Həsən Kür fevralın 22-si axşam saat 19:10 radələrində Sabunçu Tibb Mərkəzinə hospitalizasiya olunub. Qapalı kəllə-beyin travması, sol bud sümüyünün qapalı sınığı, kəllə sümüyünün sınığı diaqnozu ilə ona zəruri tibb yardım göstərilib. Hazırda müalicəsi Cərrahi profilli reanimasiya şöbəsində davam etdirilir, vəzyyəti ağırdır.
Qeyd edək ki, 29 yaşlı şair fevralın 22-də Sabunçu rayonundakı “Sevinc Mall” ticarət mərkəzinin üçüncü mərtəbəsindən özünü ataraq intihara cəhd edib. 44 günlük Vətən müharibəsi iştirakçısı olan şairin maddi sıxıntıdan intihara əl atdığı deyilir.
